230
PENGHIDOEPAN
Akoe poen balik ka kamar sendiri, boeka pakean loear boeat mengasoh. Dalem itoe kamar jang soenji akoe bengong sendirian hingga kamoedian akoe pikir baek membatja itoe doea „peladjaran gaib“ jang Holbaz briken boeat akoe pahamin. Sebagian akoe telah njataken, itoe goeloengan kertas jang dimasoekin dalem doos ada Holbaz poenja „instructies“ speciaal boeat akoe bikin sampoerna kasehatan badan, dan merawat goena kamadjoeannja akoe poenja electriciteit: batin. Ilmoe mana tida banjak soeker didjalankennja, maski ilmoe itoe boekan sembarangan, toch kaliatan sanget saderhana dan tertoelis amat teges hingga gampang dimengerti. Akoe sanget dibikin kagoem oleh itoe resia besar jang langka. Tapi, lantaran akoe teriket sama satoe perdjandjian bahoea tida boleh akoe oemoemken itoe ilmoe pengatahoean, maka apa boleh boeat akoe moesti hargaken itoe. Tjoema dengen ringkes akoe boleh bilang: bahoea kaloe itoe ilmoe dioemoemken pada segala orang serta didjalanken betoel dalem penghidoepan hari-hari, dalem practijk, dokter-dokter dengen automatisch djadi kaoem penganggoeran alias botauwlo, dan antero roemah roemah obat aken bersih di mana-mana sebab tidalakoe. Penjakit aken djarang sekali atawa tida anteronja hinggapi badan manoesia, samentara manoesia poenja oemoer dengen gampang bisa dipandjangken paling sedikit sa ratoes taon ka atas, katjoeali kaloe terdjadi katjilaka'an seperti kaleboe
