Dimana adanja Allah
207
sang kembang.
„Muziek !” saoetkoe. Njanjikenlah boeat akoe kaoe poenja meiodies-kasilab akoe toentoenan dalem kamerdoean lagoe jang djerni, jang moeloek-dan akoe ichlas boeat tanggoeng apa djoega goena perhatiken pengadjaran moe !“
Itoe bidadari ketjil bersenjoem dan dateng lebih deket padakoe.
„Kaoe poenja kamaoean dikaboelken, Soedara Rochani!" ia mendjawab. „Itoe rasa kesian akoe toeroet merasaken boeat nasibmoe bilah nanti kaoe kombali terkoeroeng dalem badan djasmani, biarlah akoe briken kaoe pengharepan dan kaoe nanti poenjaken resianja itoe soeara jang tra'tertoelis, dan akoe aken menjanji boeat kaoe serta membikin kaoe seneng. Di atas boemi, seboet namakoe—Aeon! dan kaoe nanti bisa contact sama akoe. Kaoe poenja kasoekaan sama Muziek telah diketaoei oleh kita Malaikat Malaikat dari Muziek, jang saben saben kita saksiken dari tanda-tanda mengkredep sampe di atas kadiaman kita. Djangan koeatir! Sabegitoe lama kaoe masih menjinta akoe, akoe selaloe berhoeboeng sama kaoe.” Dan seabis berkata itoe Bajangan Permei dengen pelahan, sambil bersenjoem, teroes menjanji dengen merdoe, melajang naek ka atas.
Dengen koenjoeng-koenjoeng satoe soeara Jang terang terdenger. „Slamet dateng !“ dan akoe menengok sigra meliat penganterkoe jang per-
