204
PENGHIDOEPAN
poela, roch melawan roch. Helaas! Satoe planeet jang latjoer sekali! Kaoe poenja saat pembasmian soedah semingkin deket mendatengin, hingga mendjadi gas kombali dalem atom !“
Koetika ia brenti berkata-kata akoe menengok padanja dan akoe djadi terkedjoet kerna Azul telah linjap dari dampingkoe. Akoe djadi sanget bingoeng dengen mengilangnja akoe poenja djoeroe penganter itoe, tapi tiba-tiba akoe lapat-lapat dapet denger seperti soeara njanjian jang amat merdoe dateng semingkin deket menghampiri pada tempatkoe. Kamoedian akoe liat satoe malaikat boleh dibilang, kerna roepanja ada begitoe permei, berdiri di depankoe sambil oendjoek satoe senjoeman tjinta-kasih jang gilang-goemilang hingga akoe poenja koeatir mendjadi linjap deagen lantas.
„Akoe ada kaoe poenja pelindoeng,“ ia moelai berkata sambil bersenjoem seraja pegang tangankoe..Akoe senantiasa berdamping dengen kaoe. Akoe tida perna tinggal atawa poetoes perhoeboengan sebegitoe lama kaoe poenja roch masih mentjari, aoes dengen hal-hal karochanian jang aseli. Tidoer atawa mendoesin kaoe di atas moeka Boemi, dimana sadja kace berada, disitoe tentoe akoe bersedia. Soedah lama sekali berselang kapan akoe banjak kalih perna peringetken kaoe tapi kaoe tida ambil istan, boeat bertindak masoek ka dalem itoe djalanan jang aken membawa kaoe ka daerah slamet jang kekel; tapi sekarang akoe tage bahoea kaoe poenja pikiran soedah
