Dimana adanja Allah
203
peroleh?“ berkata Azul dalem bahasa jang akoe tida taoé bahasa apa tapi tetep akoe mengarti maksoednja. „Antara itoe doenia-doenia atawa planeet-planeet baek jang ketjil, jang besar atawa paling besar, tida terdapet saglintir machloek jang menjangkal atawa bersangsi pada Penjiptanja - Allah Ta'Allah. Tida satoe! Ja, katjoeali kaoe poenja planeet (Boemi) jang terkoetoek! Tjoba kaoe tengok ka itoe djoeroesan, itoe sinar goerem jang kaliatan di antara laen' tjahaja terang dari poeteran roda Penghidoe pan-itoelah sang Boemi jang gelap! Ketjiwa! Bagimana pendoedoeknja kaoe poenja pleneet Boemi-jang badannja terbikin dari tanah lempoeng hingga gampang sekali roesak, lelaki-lelaki atawa prampoean hidoep dalem kapalsoean bahoea marika pande oendjoek sifat tjinta kasih padahal dalem hatinja mengandoeng kabentjian satoe sama laen. Dalem kaoe poenja doenia, harta adalah mendjadi Allah, kabedjikan tjoema boeat polesan di doearan. Di sana, orang-orang jang pande serta djoedjoer banjak jang terlantar, kalaperan, seperti genius dan sebang sanja, begitoepoen orang-orang gagah jang adil poenja djasa-djasa gampang sekali diloepaken dan nasibnja djadi tersia sia. Di sana, Kapertjajaan djerni dirintangin, samentara Pendjoesta jang. tjerdik didjoendjoeng tinggi. Oh, di atas moeka Boemi, satoe planeet jang paling goerem, bangsa melawan bangsa, kapertjajaan agama bertentangan dengen laen kapertjajaan agama
