200
PENGHIDOEPAN
iaorang menjebar boenga-boenga serta membri hormat sambil berloetoet dengen parasnja jang berseri-seri boeat hatoerken slamet tinggal, kerna akoe bersama Azul maoe berlaloe.
Laloe bebrapa meniet berselang Azul kasih tanda padakoe aken kita brangkat naek kombali ka bagian lebih atas. Dengen tjepet sekali kita soeda tinggalken Saturnus djaoeh di blakang, dan kita telah sampe di planeet Venus. Disini laoet-laoet, goenoeng-goenoeng, oetan-oetan, soengei-soengei, dan lapangan-lapangan ada loeas sekali, dimana segala apa hidoep dalem kasoeboeran besar. Dalem planeet Verus akoe bisa boektiken impian-impian dari toekang oekir patoeng dan toekang teeken gambar-gambar, bagimana eilok romannja orang-orang prempoean di Venus, begitoe poen orang-orang lelakinja jang berbadan tegoeh serta tjakep. Sedikit pemandangan sadja soeda tjoekoep membikin akoe mengarti bagimana indah sifat penghidoepan dalem ini planeet, jang penoeh dengeo sari katjinta'an serta Kunst mendjadi satoe. Disini tida dikenal peperangan—sebab tida ada perbeda‘an bangsa-bangsa. Antero pendoedoek sebagi lingkoengan besar dari anggota familie jang saling menghargai; iaorang bekerdja goena toeloeng menoeloeng satoe pada laen, dan masing-masing kaloearken kapandeannja oentoek kasenangan satoe sama laen. ltoe pepata „Semoea boeat satoe dan satoe boeat semoea” telah berdjalan dengen langsoeng dalem penghidoepan sociaal
