196
PENGHIDOEPAN
nian jang kekel, atawa iaorang katerkem dalem tjangkeremannja setan-setan jang senang meliat manoesia mendjadi korban- korbannja !“
Akoe tida bales oetjapken sepata kata, dan kita melajang naek terlebih atas. Semingkin tinggi dan lebih tinggi —teroes bertambah tinggi—hingga achirnja akoe poenja penganter atawa gids itoe, siapa akoe kenal jang oleh Holbaz dipanggil AZUL, titahken akoe brenti. Kita berdiri mengambang dalem oedara di antara laoetan dari tjahaja jang terang gilang-goemilang. Dari ini bagian kita bisa liat bekerdjanja Alam jang begitoe besar dan sanget loeas. Akoe dibikin kagoem dengen tjara bekerdjanja itoe solar systems, jang seperti roda-roda besar bersoesoen - soesoen teroes moeter dengen kakentjengan jang tida berwates hingga saking tjepetnja segala apa saolah olah kaliatan satoe sadja.
Lebih djaoeh akoe saksiken bagimana planeet-planeet memoeter teroes-meneroes dengen katjepetan kliwat pesat, laksana bola-bola api jang tergantoeng moeter di tengah oedara. Comet-comet (bintang bintang sapoe) dengen iapoenja garis garis pandjang jang menjalah sanget terang ada laksana riboean obor-obor boeat menjoeloe ka berbagi djoeroesan Alam, seaken-aken itoe sebagi tanda bahoea bagimana heibat Allah lakoeken peperangan pada Kadosa‘an jang dimadjoeken oleh balatentara Iblis. Laen dari itoe banjak sekali laen -laen boeaderan jang meroepaken satoe lingkoengan
