194
PENGHIDOEPAN
londjoran dari tanah, djelek potongannja, jalah itoe potongan badankoe sendiri; tapi bila akoe awasin lebih tertip, semingkin njata saolah-olah sebagi batoe oekiran jang belon seleseh dikerdjaken hingga modelnja tida sebagimana
di‘ingin.
„Apa itoe ada badan jang akoe pake?“ akoe berkata pada diri sendiri, kerna sekarang akoe merasa semingkin njata bagimana bedahnja antara sang roch dan badan kasar. „Kenapa akoe moesti tertoetoep di dalem koeroengan jang begitoe sempit? Bagimana djelek roepanja—bagimana lemah sifatnja—bagimana penoeh tjatjat-tjatjatnja—bagimana berwates gerak-gerakannja—bagimana tjioet keada‘annja !“
Satelah mana akoe berpaling pada itoe sobat jang beroman sanget permei laksana boelan poernama, jang lantas bri tanda agar akoe mengikoetin ia lebih djaoeh. Dengen merasa poeas akoe menoeroet, akoe tetep rasai semingkin tinggi akoe melajang naek sehingga sampe di bagian paling tinggi dari hawa oedara jang mengoeroeng Bola Doenia kita liwatin, dan lapangan loeas dari mega-mega jang djernih tertampak di hadepankoe. Disini akoe liat banjak sekali machloek - machloek seperti manoesia moendar-mandir ka berbagi djoeroesan, semoea beroman tjakep dan gesit sebagi melaikat-melaikat dalem impian. Sebagian dari marika ada ketjilsekali serta lemboet — sebagian poela tinggi besar serta agoeng kaliatannja: marika poenja roepa mirip manoe-
