Dimana adanja Allah
193
tida berdjenis apa poen. Sama sekali akoe tida bisa berpikir, atawa bertreak—akoe tjoema bisa merasa jang akoe teroes semingkin melajang ka atas, begitoe tetep, tjepet, zonder brisik .... kapan tiba-tiba satoe sinar goemilang jang pandjang, seperti bajangannja bianglala, tertampak didepan matakoe jang sanget mengagoemken. Akoe memandang itoe pengliaten bagoes dengen hati berdebar, akoe merasa akoe samperin itoe sinar dan djalan bertindak di atasnja seperti orang berdjalan di atas tanah. Pelahan-pelahan akoe liat di sitoe meroepaken satoe tempat jang menjenengken, di atas mana akoe laloeasa boleh berdjalan-djalan. Koenjoeng-koenjoeng satoe tangan jang lemboet pegang tangankoe — laloe satoe tampang moeka jang sanget eilok dari saorang prempoean jang akoe belon perna saksiken dalem doenia, oendjoek senjoemannja padakoe jang akoe sigra membales. Kamoedian akoe denger soeara jang berkata di koepingkoe, aloes serta merdoe, jang akoe tida bisa bilang dalem bahasa apa tapi akoe mengarti:
„Tjoba kaoe menengok ka bawah pada itoe gambar jang goerem.”
Akoe menoeroet, hatikoe sedikit berdebar, dan akoe liat seperti bajangan di atas glas, roepa dari pemandangan kamarnja Holbaz, dalem mana Holbaz masih berdiri,ia lagi awasin satoe matjem barang jang sedeng menggletak jang pelan-pelan akoe seperti kenalin. Itoe barang kaliatan seperti satoe potongan atawa
