Dimana adanja Allah
293
akoe soedak berboeat apa-apa selama tinggal di Villa Mars, teroetama mendjadi sobat rapet dari Zara.
„Ada satoe pesenan boeat kaoe," ia samboeng bitjaranja sambil boeka iapoenja latji medja toelis. Biar kita berpisah antara tempat jang riboean mijl djaoehnja dengen soerat kita boleh saben kali berhoeboeng. Potlood ini baroe bisa abis kapan soedah sapoeloeh taon kaoe pake, dan nanti kaoe dapetken poelah gantinja dari akoe. Kaoe boleh toelisken potlood ini diatas segala kertas, tapi sabegitoe lekas kaoe abis menoelis letter-letternja aken linjap tida kaliatan. Padakoe kaoe boleh menjataken atawa menanja segala apa, djangan bersoesah dan sangsi terhadep ini penghidoepan jang tjoema sementara waktoe. Soerat jang tertoelis sama potlood ini kertasnja bilah diliat oleh siapa sadja tida beda seperti kertas kosong belaka. Tapi sesampenja ditangankoe, akoe bisa bikin itoe letter letter djadi teges kombali seperti soerat jang tertjitak. Soerat- soerat dari akoe poen idem, seperti kertas blanco sadja; dan kaoe melaenken perloe press itoe kertas kira-kira sapoeloe meniet disini,"
— ia hatoerken poelah padakoe satoe boekoe seperti kertas vloei — „lantas segala apa kaoe bisa liat dengen teges. Pada Cellini akoe kasihken djoega sastel ini matjem prabot toelis jang belon dikenal oleh doenia modern."
„Tapi," akoe samboeng sambil samboetin itoe potlood gaib dan boekoe dari iapoenja
