Dimana adanja Allah
167
vies. Dengen tjepet akoe menoedjoe ka Zara poenja toilet-kamer dan tiba-tiba akoe merandek kerna denger soeara orang bitjara. Akoe berdiri sekean meniet di pinggiran pintoe boeat memperhatiken. Oh, itoe ada Zara poenja soeara, jang akoe kenalin ada lemboet dan teges.
„Akoe toch soedah bilangin kaoe,“ ia berkata, „berkalih-kalih bahoea hal itoe tida bisa kadjadian. Kaoe sia-siaken kaoe poenja penghidoepan boeat oeber-oeber satoe setan, kerna akoe boeat kaoe tida bisa mendjadi laen dari satoe iblis—pergganggoe kaoe—harepanmoe tjoema impian belaka. Kaoe saorang jang gagah, terpladjar serta hartawan besar; kaoe ada satoe materialist jang pandeng tinggi harta doenia ini, sedeng akoe sebaliknja. Kaoe djandji aken membikin beroentoeng akoe, boleh djadi. Tida saorang aken sangkal itoe, memang boleh dipertjaja kaoe tjoekoep djoedjoer dalem hal demikian—kerna kaoe poenja harta dan pengaroeh, kaoe poenja roman jang tjakep, kaoe poenja kadermawanan den karojalan soeka menoeloeng tentoe sekali aken bisa bikin orang-orang prampoean oemoemnja merasa girang.
“Tapi bagikoe ada laen, dengen menjesel akoe menjataken apa artinja kekajaanmoe boeat akoe? Kaoe poenja brilliants dan sebaginja? Kaoe poenja pengaroeh? Kaoe poenja kagagahan atawa kakwasaan doenia? Pergaoelan hidoep ini hanja membikin akoe dijadi djemoe dan menjesel kerna banjak sekali sifat
