166
PENGHIDOEPAN
getoen. Berbagi pikiran moentjoel dalem otakkoe, teroetama Graaf terseboet poenja oetjapam jang belakangan. Apa ia soedah gila? Atawa telah minoem terlaloe banjak anggoer? Bagimana aneh iapoenja anggepan tentang Zara dan satoe setan? Mendadak satoe pikiran berklebat dalem otakkoe hingga membikin akoe bergidik dari kepala sampe di kaki. Akoe inget kombali apa jang Holbaz perna bilangin akoe prihal „pasangan roch“ atawa sifat djiwa jang tida bersendirian, selaloe ada timpalannja; dan lagi akoe inget bahoea ia kata Zara ada contact dengen pengaroehnja rochani jang terlebih koewat dari Zara sendiri. Tapi kamoedian, satelah akoe berpikir lebih dijaoe, itoe toch andehnja betoel tida lebih dari kabeneran wet Toehan, bagimana djoega itoe pengaroeh ada, itoe pasti oentoek kabaekan, boekan kadjahatan, malah hal jang moerni, jang sebanding dengen Zara poenja katjantikan serta katjerdasan. Akoe tetep tida pertjaja bahoea orang sebagi Zara ada dipengaroehken oleh satoe setan, djin, reriwa dan sebaginja.
Soedah liwat sapoeloe meniet akoe toenggoe Graaf Ivan dan ia belon kombali. Dan dimana Zara sekarang? Akoe ambil poetoesan boeat tjari ia. Dalem itoe roemah akoe merdika boeat dateng dimana sadja, katjoeali da- lem Zara poenja studio di waktoe ia bekerdja, dan malem ia vrij sama sekali. Akoe ingin berkoempoel padanja boeat oetaraken rasa hatikoe jang baroesan serta minta iapoenja ad-
