262
PENGHIDOEPAN
dalem soeara goemeter. „Sasoenggoenja akoe berasa maloe jang akoe baroesan djadi begitoe lemah. Akoe mengarti apa jang akoe haroes lakoeken dan akoe aken lakoeken itoe. Kaoe boleh pertjaja akoe.”
Ia awasin akoe dengen girang. „Itoe memang paling baek,“ ia mengoetjap. „Dan sekarang, akoe soedah tida bisa berboeat apa-apa disini, biarlah akoe berpamitan sambil oetjapken slamet-malem. Inget, kadoekaan jang katerlaloean tjoema oendjoek dasar jang bersifat serakah; penjerahan atawa pasrah ada soeatoe kamoeliaan jang gagah.“
Dr. Morini sigra berlaloe poelang. Akoe oetoes berbagi kapentingan jang berhoeboeng dengen Zara poenja kamatian. Dengen bantoean bebrapa boedjang, Vader Paoel, Holbaz dan akoe, dengen tida berabe kita soedah pindahken maitnja Zara di dalem itoe kamar sembahjang.
Kita letakin iapoenja toeboeh di atas satoe tempat pengasohan jang soeroep, dan iapoenja japon satin soetra poetih tinggal tetep terpake. Itoe boenga jang tertjantoem di dadahnja masih tinggal seger, di bawah mana terletak Salib. Iapoenja ramboet jang pandjang akoe beresin sebagimana moesti, riasin itoe dengen boenga - boenga lily jang seger.
Sekarang akoe kombali berloetoet di samping iapoenja randjang kamatian dengen pikiran melajang. Di deketkoe sakoempoelam boedjang- boedjang poen oendjoek kadoekaan—-
