— 1614 —
„Gampang sekali, dalem tiga hari kita soeda misti brangkat dari sini.“
„Djadi kaoe tida maoe kawin?“
„Dengarlah Louise, akoe terlaloe amat bentji, aken idoep di negri besar di mana orang idoep seperti satoe machine. Dari pagi orang bangoen tidoer, sampe malem orang tidoer soeda itoe-itoe djoega sehari-hari, pegi bertetamoean atawa trima tetamoe laen tida. Tetapi akoe poenja kesoeka-an ija itoe. Akoe soeka maoe djadi toekang maen di komedi, menjanji, tida oesah bergantoengan sama orang laen, akoe soeka bediri sendiri apa akoe soeka. Boewat apa akoe tinggal, aken soepaja dia orang tjomblangin akoe lagi sama orang lain? Barangkali sama toewan de Braij. Ach djangan, Louise djangan, apa ijang kedjadian ini malem, bole akoe ambil boewat lantaran. Akoe tida tjari, akoe tida ada, tetapi Allah ta-ala briken hal ijang baroe kedjadian ini, itoelah lantaran besar, maka akoe trima dengen girang.“
—„Apa kaoe sampe keras hati dan sampe brani?“ bertanjalah nona Louise pada Eugenie.
„Apa kaoe kenal baroe sama akoe? Ajo Louise, lebih baek bjar kita omong dari laen-laen hal.“
„Dari itoe kreta post?“
„Ach itoe soeda tiga hari di beli.“
„Apa kaoe sorda soeroe bawa di mana dia misti toenggoe sama kita?“
„Ja.“
„Kita poenja soerat-soerat pas djalan?“
„Ada di sini, soeda sedia.“
Eugenie boeka itoe soerat dengen sabar serta di batjanja:
„Toewan Leon d' Armillij, oemoer doewa poeloe taon,
