4
iboe kapengem makau ikan maka itoe saja tjari akal boeat bikin ini boeboeh boeat tjari ikan.
Lantas itoe prampoean dengar apa Siauw Kong Tjee poenja Tjerita begitoe djoega itoe boeboeh sama ikan di kasi poelang dengan senang hati lantas itoe prampoewan tertawa, berkata sekarang angkauw kita soeka boeat bakal mantoe sebab angkauw begini ketjil ada sampe pinter dan tjinta pada orang toewa maka sekarang kita poenja anak prampoean kaloe soeda sampe oemoer kita kasi angkauw bakal bini, lantaran itoe boeboeh ikan djadiken boeat mantoenja bertoendangan dengan anak nja itoe orang prampoean, sampe besar di kawinin, dari itoe orang mesohorken namanja oehauw, itoe ikan bawa poelang kasi iboenja makan di blakang kali djadi orang baë.
Fatsal 3.
Tjerita Han Taij Tjong ada soeroe tangkap seorang bernama Kowa-hie dan Kowa-hie ada poenja lima anak prampoean tiada poenja anak lelaki, waktoe keradjahan Han Hauw Boen Hongte, dan Kowahie ada poenja kedosahan kapada negri, dapat oekoeman maoe bawa pegi di dalem roema pendjara kota Tiang An, itoe waktoe lagi berangkat djalan lantas ini satoe anak prampoeannja jang paling ketjil, dengan elok parasnja datang pegat di tenga djalan, ketamoeken kapada Bapa nja, dengen di iringkon sekalian oepas-oepas, tangannja kusi di taro rante.
Dan Kowa-hie liat anak nja datang lantas menjentak maki anak nja, he lahirken anak prampoean tiada lahirken anak leiaki, betoel anak prampoean ada banjak djoega tiada bergoena satoe apa, dan ini satoe anak prampoean Liat Li, dengan sedi menangis ikoetin Bapanja Sampe di kota Tiang An laloe masoeken soerat kapada Hakin, begini boenjinja:
