5
Saija poenja Bapa ada terima pangkat kedoedoekan djadi Oei Soe Tjiee, semoea orang ketjil alem ada adil pegang perkerdjahan, ini sekarang ada doedoekin ini dorhaka kedosahan ijang berat harap minta hakim poenja moera hati, balas kasian, apa saija poenja Bapa poenja kedosahan minta di ampoenin, dan saija poenja diri soeka masoek djadi boedak kapada hakim gantiken saija poenja Bapa poenja dosa,
Dan Hakim dapat itos soerat lantas kasi masoek kapada Maha Banginda Radja, liat itoe soerat poenja ketjintahan Sama orang toewanja, Sampe begitoe, lantas kasi poetoesan bri ampoen.
Fatsal 4.
Tjerita Tan Siauw Keng ada ingat oehauw pada iboenja itoe waktoe iboenja dapat sakit siang malem ingat pada toewan ijang maha koewasa minta di kaboelken biijar lekas baë, pegi minta orang datang obatin Sana Sini, djoega belon bisa baë, hatinja ada amat kesel, tiap-tiap tenga malem pasang hio kapada toewan jang maha koewasa minta biijar lekas bole di kasi obat, ada itoe waktoe tenga malem pasang hio, tiada antara lama lantas toeroen dari atas langit, 49 bidji obat pil soeda ada di dalem satoe piring emas, dengan ada orang dari atas poenja soewara berkata kami orang di atas dapat perinta bawa ini obat, boeat kasi angkauw bole obatin angkauw poenja iboe lantas bale djadi baë, sebab angkauw ada satoe anak Hauw tjoe.
Dan Tan Siauw Keng setela abis denger Sama djoega sepertie orang abis mengimpi mendoesin liat di atas medja betoel ada Satoe piring emas, terisi obat pil, lantas sodja koei bri terima kasi kapada toewan ijang koewasa, lantas bawa poelang kasi iboenja makan itoe obat teroes djadi baë.
