Pembalesannja Kawanan Liangsan/Bagian katiga/Bab 12
XII
Dalem paperangan negri Liauw dapet ka-
binasahan. Negri Song dapetken
kombali tana-tana dengen
ganti karoegian.
Dengen meninggalken doeloe-perkara-perkara di atas, sekarang marilah kita meliat keadahan di negri Kimkok, jang ada perloe djoega boeat ditoetoerken dengen ringkes, kerna pergerakan di sana poen ada berhoeboeng dengen apa jang telah ditjeritaken.
Itoe hari sasoedanja Tio Liang-sih berangkat poelang, Kim Tjoe lantas prenta Nam May-wat siapken satoe angkatan perang, dengen angkat panglima itoe djadi djendraal, sedeng Kim Tjoe sendiri poen ada toeroet boeat pergi mahloemken perang.
Sasoedanja barisan itoe sadia, Nam May-wat dateng membri taoe, dan atas prentanja itoe radja, pasoekan terseboet laloe berangkat dan sorenja telah sampe di tapi soengei Hoentangkang. Kim Tjoe prenta berdiriken tenda boeat bermalem, sebab kaloe berdjalan teroes tentoe boleh djadi kagelapan.
Nam May-wat toeroet itoe titah dan laloe berdiriken tenda, dan sahabisnja santap sore semoea soldadoe pada tidoer, sedeng bebrapa pengawal dititahken berdjalan ronda atawa mengawal sampe pagi.
Itoe malem salagi enak tidoer, koenjoeng-koenjoeng Kim Tjoe rasaken badannja seperti ada tergojang. Tapi waktoe ia boeka mata dan liat di kiri kanan, tida ada soeatoe apa, begitoelah ia tidoer kombali.
Ini kali poen, baroe sadja moelai lajap-lajap, kombali itoe rerasahan jang dateng berada poela. Begitoe poenja begitoe sampe tiga kali, hingga ia djadi kaget dan lantas bangoen, di mana ia liat hari masi malem.
Atas pertanjahannja, pangawal itoe kata sekarang baroe poekoel tiga liwat.
Kim Tjoe memanggoet dan prenta orang boenjiken tamboer. Semoea penglima dan soldadoe djadi terkedjoet, kerna waktoe masi begitoe gelap disoeroe berkoempoel. Tapi sebab orang-orang paperangan ada indahi pertandahan begitoe, maka sigra djoega marika itoe telah dateng aken menanti prenta.
Kim Tjoe lantas soeroe panglimanja madjoeken ini angkatan perang menjebrang kali, hingga maoe atawa tida, terpaksa itoe semoea balatentara moesti toeroet ini prenta. Dan sasampenja di tepi soengei terpaksa barisan itoe moesti brenti kombali, kerna itoe waktoe tida ada kaliatan satoe praoe.
Dengen menoenggang koeda Tjhiapekliong Kim Tjoe berdjalan moendar mandir memandang ka tenga soengei, tapi tida djoega kaliatan praoe. Di sitoe baroe ia tjeritaken, apa lantarannja ia soeroe barisan ini berangkat djalan malem-malem. Itoe gegodahan aneh ia rasaken sampe tiga kali, maka ia rasa tida boleh tinggal tidoer sadja. Kamoedian sambil angkat tjamboek ia berkata dengen soeara njaring:
„He, sakalian panglima dan balatentara! Di sebrang kita poenja angkatan perang ada ditoenggoe oleh kamenangan! Maka hajoelah kaoe semoea boentoetin akoe aken menjebrang di ini kali!“
Sahabisnja kata begitoe, ini radja jang gaga lantas menjeboer bersama-sama koedanja. Aer soengei ada sainggan peroet, maka itoe koeda Tjhiapekliong berdjalan teroes, sedeng penoenggangnja boenjiken tjamboek mendjeletar-djeleter. Semoea panglima dan soldadoe, jang liat radjanja ada berlakoe begitoe gaga, masing-masing ada toeroet itoe toeladan dan lantas menjeboer, jang tida lama kamoedian seantero pasoekan soeda ada di sebrang kali. Sasoeda semoea balatentara berkoempoel di pinggiran, Kim-Tjoe lantas prenta doeasoldadoe balik kombali ka sebrang, boeat liat itoe tempat
jang baroesan ditinggalken. Prenta ini lantas di toeroet, dan itoe doea soldadoe lantas toeroen ka aer, dengen maksoed maoe menjebrang sabagimana baroesan iaorang telah ka mari.
Tapi itoe waktoe roepa-roepanja aer soengei telah moelai pasang, hingga itoe doea soldadoe djadi kalelap. Baek djoega marika bisa bernang dan lantas bernang boeat sampeken pinggiran sebrang. Tapi Kim Tjoe jang saksiken itoe, lantas kaokin soepaja marika balik kombali sadja. Sebab kaloe menjebrang teroes, radja ini koeatir, jang doea djiwa soldadoenja djadi binasa.
Laen-laen balatentara jang liat radjanja begitoe Sajang pada soldadoe, semoea ada merasa girang dan poedji Kim Tjoe poenja kamoerahan hati, tjinta orang paperangannja dan malah dikata, bahoewa radjanja ini adalah Tjhiatjinbeng Thiantjoe.
Koetika itoe doea soldadoe soeda naek kombali, Kim Tjoe lantas soeroe Nam May wat madjoeken angkatan perang itoe ka depan, dan sabelonnja tengahari pasoekan itoe telah sampe di wates jang speciaiatcans dalem negri Liauw.
Ini tempat tida gampang orang bisa masoek, lantaran ada didjaga dengen tegoe oleh sapoeloe laksa balatentara jang dikapalaken oleh satoe panglima Liauw nama Siauw Soe-sian.
Itoe panglima satelah liat moesoe mendatengi, laloe siapken tentaranja dan komendir antero pasoekan dengen rapi, bersadia boeat menangkis atawa menjerang.
Kim Tjoe jang liat moesoenja ada bersadia, laloe prenta barisannja madjoe ka moeka, sedeng dari fihak moesoe poen begitoe djoega.
Sigra djoega dari masing-masing barisan ada kadengeran soeara tamboer rioeh. Maka tida lama kaliatan Siauw Soe-sian dengen lariken koedanja ka depan barisan Kimkok, sambil lintangken toembak di atas sela, sedeng Kim Tjoe ada bernanti dengen sabar
„He, kaoe orang di Kimkok!“ treak Soe-sian dengen soeara njaring:,boekantah kaoe soeda pernah djadi negri Liauw poenja taloekan, mengapatah sekarang dengen zonder ada sebab jang pantes, begitoe brani berkawan pada bangsa Tionghoa aken melanggar akoe poenja wates jang tegoe?“
„Itoelah soeda terdjadi, lantaran radjamoe poenja kadjajahan ampir mendjadi moesna," saoet Kim Tjoe sambil tertawa; maka kaoe, panglima perang Liauwkok, kaloe kenal gelagat dan ingin loepoetken diri dari kabinasahan, tentoe slamat."
Siauw Soe-sian tida saoetin lagi ini perkatahan Dengen amat moerka ia angkat toembaknja dan toesoeki ka moekanja Kim Tjoe. tapi ini moesoe ada sampe tjeli, kendati datengnja itoe gegaman ada seperti kilat, toch bisa ditangkis, jang lantas dibales dengen koeat.
Tapi sabelonnja Kim Tjoe menjerang teroes, Nam May-wat jang berdiri di samping lantas petjoet koedanja lawan iloe moesoe. Begitoelah doea panglima itoe djadi berantem sengit, hingga satoe pada laen tida maoe mengala.
Sasoedanja berperang kira-kira limapoeloe djoeroes, dari djoeroesan Barat-oetara lantas dateng angin besar jang menioep tempat paperangan, hingga deboeh dan batoe pada berterbangan ka sana sini.
Soldadoe Liauw tida bisa melek, dan lantaran ini djoega barisannja Siauw Soe-sian mendjadi kaloet.
Dalem itoe waktoe jang Nam May-wat mendesak teroes. Siauw Soe-sian jang liat barisannja soeda tida rapi djadi merasa koeatir dan tangkis sabrapa bisa gegamannja moesoe, dengen maksoed boeat oendoerken diri. Tapi sabelon bisa kaloear dari itoe tempat, Nam May-wat poenja golok telah sampe di dadanja, hingga itoe saât djoega panglima Liauw lantas terdjoengkel dari atas koeda.
Kim Tjoe liat itoe kamenangan lantas boenjiken tamboer boeat madjoe. Maka soldadoe Liauw jang soeda tida mempoenjai kapala, lantas lari tertjere-berei sambil lemparken sendjata, sedeng jang binasa boekan sedikit.
Dengen tida memboewang tempo Kim Tjoe laloe madjoeken barisannja ka kota Honglinghoe dan ini kota ada terdjaga oleh Sinuw Tek-lie, jang satelah denger moesoe dateng menjerang. lantas naek ka atas kota aken meliat.
Kim Tjoe prenta barisannja madjoe teroes Tapi sebab dari dalem kota tida ada jang kaloear maka soldadoe Kimkok lantas koeroeng itoe kota dengen rapet, hingga Siauw Tek-lie jang denger itoe kabar, djadi kaget.
„Kaloe begitoe,“ kata itoe panglima Liauw: „sekarang kita moesti oentoeng-oetoengan menjerang kaloear, sebab kaloe berdiam sadja toch moesti binasa. Maka dari pada moesti binasa tjara begitoe, hajoelah kita bertempoer mati-matian.“
Panglima-panglima ketjil jang ada di bawah prentanja, semoa njataken moefakat dan begitoelah dengen membawa sadjoembla balatentara Tek-lie lantas boeka pintoe kota aken menjerang kaloear.
Dengen lakoe jang begitoe nekat, ia bisa djoega terlolos dari koeroengannja moesoe. Kamoedian ia lariken koedanja menoedjoe ka satoe djoeroesan, dengen tinggalken itoe kota jang dirampas moesoe. Sasoedanja masoek ka dalem kota, Kim Tjoe laloe tetepken hatinja anak negri dan kamoedian himpoenken sakalian mantri-mantrinja jang berpangkat civiel dan militair, antara mana ada teritoeng djoega Nam May-wat, Soe Thay-tjoe, Pay Tang dan Goet Sie.
Radja Kimkok itoe kata bahoewa sadari masoek di negri Liauw, di sapandjang djalan tida mendapet halangan, sedeng moesoe jang melawan padanja, dengen gampang dapet dikalaken. Sekarang, sasoedanja dapet ini kota, ia niat aken toekar merknja taon dan angkat diri sabagi Keizer.
„Bagimana sakalian mantri-mantrikoe pikir, kaloe kami berboeat begitoe?“ tanja itoe radja,
„Itoelah tida lebi dari sapantesnja,“ kata Nam May-wat dengen tjepet: „kalemahannja negri Liauw soeda membikin kita poenja soldadoe tida oesah mengaloearken banjak tenaga boeat dapetken kota-kota moesoe. Dan kaloe diliat paperangan jang kita telah maloemken, maka bisa diharep tida antara lama lagi, sigra djoega kita bisa dapetken tana-tana bilangan Jan dan Joe seanteronja.“
„Laen dari begitoe,“ kata poela itoe panglima besar: „kendati toeankoe soeda bikin persarikatan pada negri Song, toch tida ada halangan kaloe kamoedian kita maoe ambil negrinja. Kerna dari dahoeloe poen ada dibilang, bahoewa benoewa itoe boekan ada kapoenjahannja satoe orang sadja, siapa jang gaga, adil dan bidjaksana, dialah jang pantas mamerenta. Sedeng toeankoe ada mempoenjai itoe sifat-sifat, maka panteslah kaloe baginda doedoek bertachta sabagi Keizer. Boeat doedoek sabagi Keizer, njata baginda ada mempoenjai redjeki, kerna boektinja bisa diliat itoe penjebrangan di soengei Hoentangkang, jang maski sabetoelnja ada teramat soeker, toch kita poenja balatentara bisa liwati dengen tida mendapet halangan.“
Mendenger perkatahannja itoe kapala perang, Kim Tjoe djadi amat girang. Sedeng laen-laen mantri jang ditanja pikirannja poen, semoea menjataken moefakat. Maka itoe hari djoega Radja Kimkok laloe roba namanja taon djadi Hinkok pertama, sedeng nama negri diseboet Thaykim dan laloe bikin sembajangan besar boeat angkat dirinja mendjadi Keizer, aken bersoekoer pada Allah dan sakalian malaekat-malaekat, jang telah membri itoe koernia. Kamoedian membri persen pada soldadoe dan panglima perang.
Sasoeda oepatjara keangkatan itoe selesih dilakoeken, Radja Thaykimkok laloe madjoeken lebi djaoe pasoekannja, boeat reboet laen-laen kota dan kamoedian madjoe teroes aken serang negri Songtiauw. Samantara ini warta telah sampe djoega pada Baginda Song, jang lantas angkat Tong Koan djadi Hopak Hotang Louwswan Hoesi, boeat pimpin pasoekan besar. Khay Hoe-gie djadi Tangsamsoe, Tjoa Joe djadi Hoentjiang dan Tio Liang-sih djadi Kamkoen Sigisoe, dengen bawa doea laksa tentara Gilimkoen boeat berangkat ka medan perang.
Tida lama kamoedian firman itoe telah sampe pada Tong Koan, jang lantas himpoenken sakalian panglima-panglima di sabawahannja, dan berkata:
„Sekarang Radja Kimkok seda angkat diri mendjadi Keizer dan doedoeki kota Hionglionghoe maka dalem ihi perkara kita tida boleh lambat, hanja moesti madjoe teroes ka telaga Pekkoho aken menjerang datengnja moesoe.“
Tio Liang-sih jang ada di sitoe laloe kasi taoe bahoewa panglima di kota Toktjioe ada mendjadi ia poenja sobat menjerang itoe kota tida oesah goenaken tenaganja balatentara, hanja dengen sapoetjoek soerat soeda tjoekoep boeat bikin pembesarnja itoe kota dateng menaloek.
„Kaloe kuta Toktjioe soeda djato di tangan kita," kata poela itoe Gisoe: bagi negri Liauw ada seperti orang jang kailangan sebla tangan, hingga boeat petjaken laen-laen kota soeda tida sabrapa sorsa." Tong koan djadi amat girang dan laloe soeroe Liang-sih lekas djalanken itoe politiek jang baroesan dinjataken.
Tio Liang-sih tida berajal, maka sigra djoega ia toelis satoe soerat boeat minta itoe sobat dateng manaloek. Selang brapa hari kamoedian, betoel sadja dapet balesan, bahoewa Kwee Jok-soe soeka menjerah.
Ini kabar menggirangken sanget hatinja Tong Koan, maka ia lantas madjoeken soldadoe dan waktoe sampe, Kwee Jok-soe kaloear menjamboet. Tong Koan laloe prenta Tio Liang-sih berdoea Lauw Kong-sih kapalaken lima laksa balatentara pergi menjerang kota Lianghang.
Ini kota ada didjaga oleh Siauw Kan, jang satelah denger balatentara Songtiauw soeda mendatengi, lantas kaloearken barisan menantang perang.
Tio Liang-sih laloe atoer barisannja dan prenta Lauw Kong-sih pergi melawan, sedeng Kwee Jok-soe bersama-sama padanja, laloe pimpin barisan sajap boeat menoeloeng. Dan waktoe barisan itoe sampe di loear, kadoea fihak moesoe lantas saling menjerang dengen sengit.
Sasoedanja bertempoer kira-kira tigapoeloe djoeroes, Lauw Kong-sih merasa tida talian dan lantas melariken diri. Tapi waktoe, barisannja Siauw Kan dateng memboeroe, dari kiri kanan telah dipegat oleh itoe barisan sajap, jang lantas balik memoekoel dengen seroeh.
Siauw kan tjoba melawan sablsa-bisa. Tapi lantaran dikeroeboetin berdoea, terpaksa ia moesti moendoer dengen pelahan, sedeng moesoe balik menjerang dengen sengit, hingga barisannja mendjadi kaloet.
Kerna meraaa tida ada taksiran, itoe panglima Liauw lantas melariken diri dan pergi pada radjanja aken membri taoe, jang Kwee Jok-soe, telah berhianat. Sabelonnja lawan perang soeda serahken kota Lianghang ia tida bisa lindoengken lebi lama, lantaran Tong Koan poenja soldadoe, ada terlaloe besar djoemblanja.
Radja Liauw djadi amat moerka dan kata betoel-betoel itoe Kwee Jok-soe boekannja manoesia, soeda pergi menaloek pada bangsa Tionghoa.
„Sekarang baek toeankoe siapken sendiri safoe pasoekan besar boeat melawan pada moesoe“ kata Siauw Kan dengen soeara menghlboer: „kaloe toeankoe sendiri jang toeroet dalem peperar ngan, hatinja balatentara djadi besar dan marika bisa melawan dengen soenggoe hati.“
„Boleh kami sjanken balatentara, tapi apa kita bisa menangkis datengnja moesoe jang menjerang darindoea hakikata radja dengen amat doeka: sebab disatge fihak ada angkatan perangnja Kimkok seder dari laen fihak digentjet oleh angkatan perangnja Songtiauw, hingga maski kami kapalaken sendiri itoe pasoekan, toch tida bisa sakali menangkis doea fihak ?“
Siauw Kan tida brani memaksa lebi djaoe, kerna perkatahan radjanja ia rasa betoel djoega. Tatkala itoe Radja Liauw tida bisa berkata-kata lagi, kerna pikirannja merasa amat bingoeng.
Tjo Gie-kiong, jang djadi minister dari karadjahan Liauw, laloe megadep pada baginda aken kasi pikiran, soepaja radjanja kirim satoe oetoesan pada Tong Koan boeat samboeng poela persobatan antara ini negri dan Tiongkok, kerna negri Liauw doeloe poen pernah bersarikat pada Soengtiauw.
„Maka kaloe permintahan kita ditrima baek, kata poela itoe minister: kita bisa melawan dengen soenggoe hati pada angkatan perangnja Kimkok, hingga troesa koeatir dari fihak Songtiauw.
Lantaran tida taoe tjara bagimana moesti berboeat, Radja Liauw toeroet djoega itoe voorstel dan sigra djoega satoe soerat laloe ditoelis boeat dikirim pada Songtiauw poenja panglima besar.
Sigra djoega satoe oetoesan diprenta membawa itoe soerat pada Tong Koan, jang lantas boeka dan batja boenjinja, ada kira-kira seperti berikoet:
„Menjerang pasoekan Kimkok pada negri Li-auw, ada membahajaken djoega pada Lamtiauw poenja kasantausaän. Kaloe sekarang Songtiauw djoega maoe menjerangs Liauwkok aken mendapetken satoe kaoentoengan jang ketjil dengen lempar kabaekan jang soeda berdjalan ratoesau taon, hingga moesti roesakken tetangga sendiri poenja keadahan, itoelah boekan ada satoe daja jang sampoerna boeat tjegah moentjoelnja bahaja di kamoedian hari. Mengasi toeloengan boeat indarken tetangga dari bahaja, inilah ada negri-negri besar di djalan doeloe dan sekarang poenja haloean.“
Sasoedanja membatja itoe, Tong Koan laloe bertaoeken pada sakalian panglima-panglima di sabawahannja, dan tanja bagimana marika poenja pikiran.
Tio Liang-sih jang denger boenjinja itoe soerat dari negri Liauw, dan koeatir Tong Koan nanti trima permintahannja ini negri jang lagi diserang, lantas boeroe-boeroe dateng mengadep serajali berkata:
„Ini pahala besar ampir terdjadi, masa dalem sasaät sadja, lantaran itoe soerat, moesti dibikin gagal? Laen dari begitoe, pada Kimkok soeda ditetepken satoe perdjandjian boeat bersarikat, masa sekarang dengen zonder ada sebab pada kawan sarikat sendiri, bebalik membikin perhoeboengan pada negri Liauw? Itoe toch tida atoeran sekali!“ Mendenger perkatahannja Tio Liang-sih, Tong Koan aloe oesir oetoesannja negri Liauw, dan fadja dari itoe negri satelah denger jang permoenbenannja boeat bersarikat ditolak, djadi amat Bingoeng, hingga tida taoe bagimana moesti berboeat.
„Sekarang soeda begini, kita haroes kaloearken tenaga 'jang pengabisan dan lawan mati-matian pada moesoe jang menjerang,“ kata Siauw Kan dengen gaga: “maka djanganlah kita trima datengnja kabinasahan dengen peloek tangan.“
Bebrapa panglima laen, jang djoega ada satoedjoe dengen pikirannja Siauw Kan, lantas menjätaken moefakat dari apa jang dikata baroesan. Begitoelah dengen apa-boleh-boeat, radja lantas prenta koempoelken sakalian balatentara, jang djoemblahnja sama sekali tiga laksa lebi. Kamoedian prenta diriken tenda di loear kota boeat menonggoe datengnja moesoe.
Tatkala itoe datengnja moesae ada kaliatan saperti aer jang menderoe-deroe. Kerna dari fihak Thaykimkok ada petja pasoekannja djadi lima barisan? Kim Tjoe pimpin pasoekan jang tenga, jang semoea ada memake badjoe rante dan bersendjata lengkap. Samentara Nam May-wat dan Goet Si ada kapalaken barisan sajap kanan dan Hi, gedeng poetranja radja ada pimpin barisan pembantoe, Sedeng itoe angkatan perang lagi djalan mendatengi, dari fihaknja Songtiauw ada kaliatan ampat pasoekan, dimana Tong Koan titahken Lauw Kong-sih dan Sien Hin-tjong pimpin barisan kiri kanan dan Tio Liang-sih bawa pasoekan, dan pasoekan laen jang lebi besar ada dipimpin oleh Tong Koan sendiri.
Meliat datengnja moesoe jang seperti aroes, Radja Liauw djadi kasima dan sakoetika lama tida bisa berkata-kata.
Dari kadjaoean barisannja moesoe ada saoepama oeler naga. Benderanja kaliatan berkiba-kibar, alat sendjata jang diajoedjoe oleh sinarnja matahari djadi kaliatan berkredep-kredep.
Itoe pemandangan boekan sadja membikin hatinja radja djadi serem, tapi sakalian balaten-taranja poen, tida ada satoe jang tida merasa takoet.
Tapi sekarang apa-boleh-boeat! Takoet tida takoet, datengnja moesoe moesti dilawan. Sebab tinggal diam tentoe binasa. Maka baek dilawan djoega, maski poen binasa, toch di fihak moesoe tida nanti tinggal oetoeh.
Begitoelah sasoedanja tetepken hati sendiri, Radja Liauw laloe naek ka atas koeda dengen diapit oleh Siauw Kan berdoea Tjo Gie-kiong, katiganja ini madjoe ka depan boeat pegat datengnja moesoe. Pasoekan moesoe jang dateng ada menjerang dengen berbareng, ini jang membikin djadi soesa boeat Radja Liauw menangkis. Soldadoe-soldadoenja jang sadari tadi memang soeda merasa katakoetan, satelah moesoe mendatengi, barisan itoe djadi kalangkaboet dan sabagian besar telah lari toempangsioer.
Tatkala itoe paperangan dilakoeken dengen satjara amat kaloet. Jang satoe menjerang dan jang laen menangkis. Tapi kakalahan salaloe ada kaliatan di fihaknja Liauw. Kerna saban madjoe belatentaranja djadi samingkin koerang.
Tapi radja lawan dengen nekat. Sampe achirnja merasa tida tahan, baroelah Siauw Kan adjak radjanja lari bersama-sama permisoeri, dengen tinggalken kota Thiantek jang soeda djadi petja.
Tjo Gie-waktce liat radjanja soeda merat lantas dateng menaloek dan berbareng itoe, laen-laen panglima dan mantrinja negri Liauw, banjak jang dateng serahken diri pada moesoe.
Kim Tjoe lantas tetepken hatinja anak negri, tempel soerat di kota-koja boeat bikin hatinja rakajat iida djadi takoet. Kamoedian himpoenken sakalian mantri dan hoeloebalangnja boeat membere sken sagala oeroesan jang penting.
Sedens Tong Koan lantas prenta satoa oetoesan pergi ka Tongking boeat rapport pada baginda atas itoe kamenangan besar. Itoe oetoesan jang diprenta lantas berdjalan dengen tjepet, tida lama telah sampe di hadepan Sri Makota dan serahken soeratnja Tong Koan, jang satelah dibatja, baginda djadi amat girang dan lantas sadja prenta bikin sembajang besar di gredja laloehoer Kamoedian trima pembrian slamatnja mantri-mantri besar dan ketjil.
Oetoesan jang diprenta mengadep Keizer Song, jalah Kwee Jok-soe; sasoedanjn baginda doer dari roewangan singgasana Kwee Jok-soe laloe dipanggil mengadep ka roewangan Wanyantjoen, dimana baginda lantas berkata:
„Keng ada satoe mantri jang loewas pemandanga dan bisa meliat gelagat hingga sabelonnja balatentara kami dateng, kheng bisa mendoesin aken lantas menaloek. Maka atas itoe diasa jang telah dioendjoek, sekarang kami angkat kheng djadi Swanhoesih, boeat mengoeroes di kota Jansanhoe.“
Kwee Jok-soe laloe berloeloet dan mengoetjap banjak trima kasi, sambil berkata:
„Sadari masing berkerdja pada Liauw, hati memang ada niat berhamba pada toeankoe jang arif bidjaksana. Maka hamba merasa beroentoeng sekali, jang itoe kenang-kenangan dalem hati telah terkaboel.“
Baginda djadi amat girang dan pesen, soepaja Kwee Jok-soe berhati-hati mendjaga itoe kota, sebab Jansanhoe ada berwates pada negri Kimkok,
„Maski hamba poenja badan boleh mendjadi aboe, namba nanti bersoenggoe hati melakoeken kawadjiban,“ kata Kwee Jok-soe dengen moeka tebal, lantaran tida inget jang sabagi hambanja negri Liauw, ia tida membela radjanja dengen soenggoe hati: maka itoe toeankoe troesa salempang. Tapi ada satoe hal jang hamba hendak bertaoeken pada djoengdjoengankoe.
„Hal apatah?“ tanja baginda.
„Hal perwatesan negri antara Song dan Kimkok.“
„Tjobalah kheng tjeritaken.“
„Hamba moehoen baginda perkenan soepaja hamba bersama-sama Tio Liang-sih dioetoes ka negri Kimkok boeat damiken tentang oeroesan wates negri, jang menoeroet perdjandjian: Janhoen dengen anambelas kota moesti dikombaliken pada Song, maka sekarang adalah itoe waktoe boeat dioeroes soepaja ini soewal bisa lekas mendjadi beres dan tida menerbitken perselisihan lagi antara ini negri dan negri Kimkok.“
Baginda djadi amat girang dan lantas hadiaken roepa-roepa barang berharga pada Kwee Jok-soe, jang dianggap ada satoe mantri pande jang berpikiran loewas. Kamoedian sasoedanja mengoetjap lagi trima kasi mantri ini lantas berlaloe aken lakoeken kawadjibannja.
Satelah sampe di Jansanhoe Kwee Jok-soe laloe kasi taoe pada Tio Liang-sih apa jang ia telah kasi taoe pada baginda, jang sekarang telah oetoes marika berdoea pergi ka negri Kimkok boeat itoe oeroesan.
Sasampenja di itoe negri, ini pembitjarahan tida lantas beres dengen begitoe sadja. Kerna Radja Kimkok soeka boeat kasi poelang itoe tanatana, tapi moesti dapet ganti karoegian dari negri Song.
Ini doea oetoesan trima baek itoe permintahan sedeng baginda Song poen menoeroet sadja Lantaran dapet ganti karoegian, maka itoe tana-tana jang telah didoedoeki oleh balatentara Kim-kok, radjanja tarik poelang dan itoe tempat lantas djadi kapoenjahannja Songtiauw.
Maski dapetnja tana Janhoen boekan sediki, telah mengorbanken oewang, toch Sri Baginda masi angap, bahoewa itoe samoea ada dari pahalanja mantri dan panglima-panglima, maka sasoeda itoe perdamian beres, maka baginda laloe angkat Ong Hoe djadi Tjouwkokkong, Tjoa Joe djadi Engkokkong Tong Koan djadi lekokkong dan Tio Liang-sih djadi Thayhaksoe, semoea itoe ada pangkat-pangkat besar.