83
Tjerita lagi nona Hoa Aij Tjoe, nona Djaij So Tjing, nona Tian So Djit, nona Tian So Gwat, nona Sim Gwat Ko, kasi taoe pada masing-masing mamanja, dan nona Tio Kim Ting kasi taoe pada insonja jang nanti tanggal 16 Si Gwik pagi, samoea maoe pigi di roemahnja Seh Liok.
Kemoedian itoe 6 nona sasoedahnja datang di roemahnja Seh Liok lantas ketemoein pada Liok Lo Hoe Djin, dan pada nona Liok Tjoei Goo dan nona Liok So Goo.
Liok Lo Hoe Djin menanja sembari tetawa: Nona-Nona! ini hari loembaän perahoe, ada lebih rame dari pada saban-sabennja, kenapa nona-nona tida maoe adjak ma dan papanja akan menonton
Sekalian nona itoe menjahoet: dari sebab di roemah tida orang, maka melainkan kirim perkataän akan menanja mama poenja keslametan.
Liok Lo Hoe Djin (mamanja nona Liok Tjoei Goo, Liok So Goo) membales banjak trima kasi.
Sekalian nona-nona itoe sasoedahnja terpesen oleh Liok Lo Hoe Djin akan hati-hati, kemoedian naek perahoe berangkat ka Lam Ho.
Tjerita Lioe Si Djoen tinggal dalem satoe ka-
