79
Nona Sim Gwat Kó menanja lagi: djikaloe ini moetiara di doenia tida ada 2 kenapa Lioe Si Djoen bikin gampang lantas tinggalin di sini?
Njonja Hoa Ting San tida bisa menjahoet dan nona Sim Gwat Kó dapet kiraän, jang itoe moetiara, tentoe ada lain sebabnja.
Nona So Tjing maoe brenti-in hal omongan dari hal moetiara lantas dia berkata: saija dengar di roemahnja Seh Hoa soeda sediain perahoe di Lam Ho boeat bikin keramean pada hamba hambanja.
Nona So Go mendjawab; saija dengar djoega itoe keramean nanti terbikin di tanggal 15 boelan Si Gwik ini, nanti saija bersama soedara-soedara pigi di Lam Ho boeat menonton, dan samoea nona-nona itoe girang hati kemoedian minta permisi pada njonja Hoa Ting San akan poelang di roemahnja sendiri.
Sekarang tjerita Nona Beh Tjiauw IJong tempo hari soeda trima Lioe Si Djoen poenja toeloengan wang 50 tahil perak, boeat toelcengin papanja kloewar dari boei, dia hendak membales Lioe Si Djoen poenja kebaikan tetapi misih banjak aral, sebab nona Be Tjiauw IJong dia pandei teeken gambar, maka dia gambar Lioe Si Djoen poenja
