77
kembang itoe sekalian nona-nona samoea samboetin akan bersama doedoek.
Satelah boedjang prampoean sediain ikan, boewah boewahan, arak jang sedep lantas bersama doedoek, njonja Hoa Ting San doedoek di tengah, dan 8 nona itoe pada doedoek di kanan kirinja.
Kemoedian nona Tjoei Go menanja pada miamanja angkat ia itoe njonja Hoa Ting San: Mama! dari Lioe Si Djoen poenja moetiara apa soeda kasi kombali?
Njonja Hoa Ting San menjahoet: dari sebab anakoe nona Aij Tjoe terlaloe soeka, djadi tida di kasi balik.
Nona So Go berkata: kaloe Tjia-Tjia Aij Tjoe soeka dan tida maoe kasi kombali, kenapa begitoe gampang lantas bikin abis perkara?
Njonja Hoa Ting San tida bisa menjahoet, maka dia tersaoetin oleh boedjang prampoean jang bernama Siauw Tho dia berkata: soeda tentoe Lioe Toa IJa tida maoe bikin abis itoe perkara dari sebab saija poenja njona dengan pake bahasa manis, boeat pindjem itoe moetiara dalem sedikit tempo, akan lain hari kasi kombali, kemoedian Lioe Taij IJa, lantas pigi.
