71
ngamal pada orang jang dapet kasoesahan melainkan ada satoe mama, sekarang saija soeka akan djadi tengahan, boeat djadi-in kawinannja Lo Sian Sing poenja anak prampoean dan Tit Li (nicht) tetapi saija belon taoe begimana Lo Sian Sing poenja soeka?
Tio Ing Lim berkata itoe perkataän ada di Tia tetapi siapa kira jang di blakang pin (patang aring) nona Tian So Gwat dan nona Tian So Djit mendengarin sampe terang.
Kemoedian nona Tian So Gwat berkata pada intjinja (soesi): intji nona Tio Kim Ting (adenja Tio Ing Lim) sring berkata jang ipé dari dia poenja Engko, orang di Hang Tjioe bernama Lioe Si Djoen, tentoe ini orang, dan Tio Ing Lim soeka mendjadi tengahan, tentoe saija poenja kadjodoän bisa kedjadian, djoega.
Nona So Djit berkata: Adé loe djangan bitjara lebih doeloe, sebab belon karoean kaloe papa bolih!
Tjerita lagi Tian Boen srenta denger Tio Ing Lim poenja bitjara di atas tadi, dia mendjadi terlaloe amat girangnja, dan berkata: dari Ing Hia soedi boeat djadi tengahan dan kita masa brani melanggar, dan lagi saija liat Ing Hia poenja ipé soeatoe orang bidjaksana dan gagah perkasa (Ing
