69
begitoe bagoes roepanja, dia terlaloe kepingin dan soeka sekali.
Tio Ing Lim lantas menanja: Lo Sian Sing panggil saija ada kerdja apa?
Tian Boen berkata: Ing Hia! marilah bole adjak Ing Hia poenja famili itoe datang saija poenja roema boeat omong-omong dan minoem thee.
Tio Ing Lim berkata pada Lioe Si Djoen; Eng-ko! itoe Tian Boen (Djoen Goan Kong) sama saija ada persobatan baik, marilah pada pergi di roemanja, lantas bertiga datang di roemanja Tian Boen, sasoedahnja djalanin adat istiadat dan bersama doedoek, kemoedian Tian Boen liat Lioe Si Djoen poenja roepa bagoes, ada lebi pada orang lain, di dalem Tian Boen poenja hati hendak ambil mantoe, ia itoe boeat mendjadi lakinja dia poenja anak prampoean bernama nona Tian So Djit dan boeat dia poenja Pit Li (nicht) nona Tian So Gwat, tetapi dia ada soesah boeat boeka itoe perkataän.
Kebetoelan sekali Lioe Si Djoen menanja: Lo Sian Sing! Saija minta taoe Lo Sian Sing ada berapa soedara?
Tian Boen menjahoet: Saija poenja ma papa soedah meninggal doenia, saija melainkan ada 1
