66
sengadja berboeat itoe kesalahan, saija moehoen IJa IJa! bri ampoen.
Tiat Boen Swan menjahoet: Tai! loe bitjara tida karoean, apa loe tida taoe jang kita bernama Song Boen Pin, itoe Hoa Tjoe Lim ada kita poenja moerid, begimana kita takoet pada anak, nanti kita maoe menanja apa sebab dia lemparin glas arak pada kita, dan nanti kita boenoeh padanja.
Lioe Si Djoen serenta dengar itoe perkara men- djadi marah dan panggil Lioe Hin boeat poekoel pada Song Boen Pin, lantas sadja Lioe Hin keloear di djalan raja.
Serenta Lioe Hin keloear dari roema Sam San Koan, itoe 2 nona Tian So Djit dan nona Tian So Gwat mendjadi amat heran, begimana 1 djongos ketjil ada begitoe brani, sedang bebrapa orang pada datang liat, dan di sitoe Lioe Hin lantas sentak pada Song Boen djanganlah terlaloe koerang adjar! lantas sa Song Boen Pin toeroen dari koeda, sampelah ramee berkalahiannja, hingga mendjadikan terkedjoet pada sekalian orang.
Di sitoe Lioe Si Djoen berkata pada Tio Ing Lim, soepaija Tio Ing Lim liat dia poenja boegee lantas Lioe Si Djoen berlontjat dari atas loteng dan terliat oleh Song Boen Pin, lantas sadja ter-
