320
akan minta rempoek lantas di tanja oleh Hoa Ting San ada perkara apa?
Sim Wan Gwee menjavet perbasan ada perkara, masa naek roema persoetjian tepekong Sam Po" lantas dia tjerita jang dia dapet dengar Lioe Si Djoen soedah dapet moeka trang pada negri serenta di koerniain pankat Ping See Tjing Kok Ong dan djoega dapet idzin boeat kawin 8 prampoean, dari sebab saija poenja anak Si Gwat Kó masoèk dalem antara 8 prampoean itoe, maka perloe saija datang di sini boeat minta rempoek begimana misti tersedia isi kawin.
Tetapi Hoa Ting San pesen lebi baik tanja itoe pada Tio Ing Lim, maka Sim Wan Gwee lantas datang di roema Tio Ing Lim.
Maka dari pada itoe Tio Ing Lim lantas berangkat ka negri Hang Tjioe boeat minta ketrangan pada Live Thaij Thaij (mamanja Lioe Si Djoen) dari hal kawinnja Lioe Si Djoen dengan 8 prampoean.
Lioe Thaij Thaij kasi taoe pada Tio Ing Lim itoe kawinan bae di djalankan menoeooet adat istiadat, sebab Lioe Si Djoen misi ada toeroenan dari Rijksbestuurder, Tio Ing Lim bilang baik, lantas dia di perdjamoean minoem arak kemoedian Tio Ing Lim kombali di negrinja.
