318
dan soetra-soetra dengan terhias brapa banjak perhiasan.
Sekalian orang dalem itoe kampoeng dan pembesarnja di sitoe pada datang di roema Lioe Thaij Thaij akan membri selamat.
Lioe Thaij Thaij lantas toelis 1 soerat terkirim pada Tio Ing Lim di negri Ké Hin, di mana terseboet. dalem itoe soerat, minta Tio Ing Lim datang akan selesehkan hal kawinannja Lioe Si Djoen.
Itoe Tio Ing Lim sedari dengar Lioe Si Djoen bersama nona-nona Hoa Aij Tjoe sekalian soedah menang perang, dan Tio Ing Lim dapet denger jang sekarang Lioe Si Djoen soedah dapet pangkat Ping See Tjing Kok Ong dan dia dapet dengar nona Hoa Aij Tjoe sekaliannja soedah berangkat poelang dari Kota Radja ka negri Ké Hin, dengan girang hati Tio Ing Lim tjerita pada bininja ija itoe Lioe Taij Nio, maka Lioe Thaij Nio amat girang djoega dan berkata: akan sekarang kita poenja soedara nak sanak Lioe Si Djoen soedah mendjadi di bawahnja 1 orang dan di atasnja 10,000 orang.
Tio Eng Lim lantas berangkat ka Hoa Ting San poenja roema dan betoelan Hoa Ting San baroe doedoek bersama bininja, dia baroe tjerita jang Lioe
