308
toenangan pada Lioe Si Djoen, itoe patoet misti di djadi-in kawinannja, dan dapet idzin akan poelang di atsal negrinja boeat sembahjang pada dia poenja orang toea-toea jang soedah meninggal doenia, dan toeroen toemoeroen Lioe Si Djoen poenja anak tjoetjoe selamanja bole dapet itoe pangkat.
Djaij Koen Liang, Njo Tjin dan So Po, kami bri pangkat Djong Ping (kornel) Goei Liat djadi Ting Kok Tjiang Koen, Poei Tian Ho di kasi naek 1 klas pangkatnja, sekalian hoeloebalang dari moesoeh jang menjera bole di trima; dan sekalian sisa makanan (ransoom) di brikan pada sekalian balatantara, sekalian balatantara jang soedah ada bini, itoe bini dapet idzin menoeroet kahormatan kedoedoekan lakinja; dan jang belon ada bini bole bernanti kaloe soedah kawin itoe bini dapet idzin pake kahormatan dari lakinja."
Satelah itoe besluit di batja, Lioe Si Djoen lantas djalanin adat istiadat pada oetoessan Baginda Radja, kemoedian itoe besluit di trima bersama anoegrahan amas, soetra-soetra dan sebageinja itoe dengan girang hati dan Kong Po Siang Si dapet parintah akan diri-in satoe astana boeat tingalnja Tjing Kok Ping See Ong (Lioe Si Djoen).
