303
pagi djoega, bersama saija poelang di goenoeng, akan bertapa dan barangkali blakang hari bisa ketrima akan djadi dewa.
In Djian Tiang Lo bilang baik dengan segala soeka hati, lantas tangannja terpegang oleh IIwat Go Sian Soe naek ka oedara.
Lioe Si Djoen satelah membri hormat pada goeroenja jang berangkat naek di oedara, lantas dia berdoedoekan sama dia poenja hoeloebalang hoeloebalan, tida brapa saät poenja lama Baginda Radja ada soeroean panggil pada djendral lioe Si Djoen akan doedoek festa di astana Hoa Tik Tian, dengan sigra Lioe Si Djoen berangkat naek koeda.
Permisoeri Radja (nona Ma Tjinuw Jong) bilang pada Bigindi Radja, jang dia hendak angkat soedara pada 8 nona bagoes itoe, Baginda Radja membri idzin, lantas di bikin festa jang moelia dan panggil 8 nona bagoes itoe, di sitoe Permisoeri angkat bitjara membri selamat jang 8 nona bagoes itoe so-dah menoendjoek bersetia pada negri, dan Permisoeri harep kaloe marika itoe poelang di negrinja, bolelah toeloeng lit in pada Permisoeri poenja mama.
Sekalian nona-nona itoe pada menjaoet dan bi-
