274
Baginda Radja datang di sini, loe belon djoega maoe taloek?
Ko Djiong serenta dengar itoe perkataän lantas dia mendjadi marah angkat goloknja hendak boenoeh Djaij Koen Liang tetapi, kena tertolak, lantas mendjadi ramee perangnja, sahingga sampe 50 gebrakan, tetapi tida ada jang kalah dan ang menang, maka serenta mata hari petang lantas boebar n adanja.
Pada malemnja Song Boen Djaij beren poek pada dia poenja goeroe Hwi Sik To Djin, jang selama dia berontak belon sekali dapet kalah, tetapi serenta perang dengan Lioe Si Djoen, belon bisa ambil kemenangan, dari pada itoe begimana boeat di atoer?
Hwi sik To Djin menjaoet: Ja Taij Ong! (Toean Radja Besar), saija harep Taij Ong djangan soesah hati, nanti bole soer e Ko Djiong Koen sadja boeat melawan moesoe, kaloe bisa menang, lebi baik dau kaloe tida bisa menang dan nanti saija jang melawan.
Ko Djiong bilang baik, lantas dia angkat goloknja berangkat teriring balatantaranja dan tariak kras: „Hei Djaij Koen Liang, kalemaren kita belon bikin loeka loe poenja djiwa, sekarang loe apa maoe minta mati?
