252
di sitoe tida dapet selamat maka itoe roema tinggal kosong.
So Po pikir ini roema tentoe ada barang atau harta benda di dalemnja, maka siapa jang tida ada oentoeng tentoe tida bisa tahan tinggal di sitoe, tetapi boeat kita sedikit poen tida takoet.
Maka lantas dia tjari 1 hari jang baik dia lantas tinggal-in itoe roema, boeka roema pendjoewalan bahmi, betoel rame di atas itoe pendjoewalan, tetapi saben tengah malem di dalem itoe roema ada keliatan barang aneh (kata orang djawa memedi) atau sethan jang djoewok-djoewok ramboetnja jang amat menakoetin orang, dan terka- dang-kadang ada dateng angin jang terlaloe amat dingin dan kaloe menijoep rasanja troes dalem toelang-toelang.
Itoe So Po mendjadi tida abis mengarti, tetapi dia memang satoe orang kendelan, tida di bikin takoet itoe keadaän.
Tjerita kombali itoe In Djian Sian Soe, bawa Live Si Djoen, bersama Djaij Koen Liang dan boedjang Lioe Hin, sampe di mana Pa Thiauw San, dan ketemoe pada Hwat Go Sian Sue, suewatoe orang jang berilmoe tinggal di itoe goenoeng, se-
