250
soeroe boedjangnja sediain perahoe akan terpake ka negri Ké Hin.
Sasoedanja Lioe Thaij Thaij berangkat dan soeda sampe di Ké Hin lantas dia datang di roemanja Koen Thaij (mamanja nona Tjiauw Jong) kasi taoe jang Koen Thaij poenja anak angkat ternama Guei Liat soeda terboenoeh mati oleh bangsat bernama Siauw Soe Ko.
Koen Thaij serenta dengar itoe perkataän lantas dia mendjadi kaget dan tida bole tertahan bertjoetjoeran aer matanja sembari kata: djikaloe itoe Goei Liat ada kita poenja anak sendiri dia tida mengapa, tetapi kita ambil dia dari Goei Lo IJa, itoe kita amat takoet, barangkali Goei Lo IJa tida maoe bikin abis ini perkara. Lioe Thaij Thaij berkata ja Koen Thaij! saija harep Koen Thaij djangan soesah hati, sebab itoe mati dan idoep semoea ada garisnja dan begini sadja Koen Thaij! djikaloe nanti saija poenja anak bernama Lioe Si Djoen soedah poelang di roema nanti saija soeroe toeroet djaga pada Koen Thaij.
Tida bole djadi! kata Koen Thaij dengan djato aer matanja, sebab saija trima banjak pertoeloengan dari Lioe Thaij poenja anak lelaki dan lagi tempo saija poenja anak prampoean Tjiauw Jong sabe-
