232
anaknja Bing Wan Gwee soedah tertangkep oleh 2 ketjoe, hendak terbawa pergi, sebab kala perangnja.
Maka nona-nona itoe lantas sentak pada 2 ketjoe itoe: hei! loe djangan lari lebi doeloe.
Itoe ketjoe Him Boen dan Him Boe lantas angkat sendjata hendak poekoel, tetapi tertangkis oleh nona Tian So Djit dan nona Tio Kim Ting dan lantas mendjadi berklahian sahingga 2 ketjoe itoe kala perangnja dan 2 nona anaknja Bing Wan Gwee dapet terlepas.
Sekalian bala tantaranja itoe ketjoe, serenta da- pet liat dia poenja kepala kala perangnja lantas dia pada takoet dan pergi lari.
Itoe 2 ketjoe lautas tertangkep, tetapi jang bernama Him Boe bisa terlepas.
Satelah boebaran Bing Wan Gwee dengan bininja amat girang sekali, lantas dia membilang banjak trima kasi pada nona-nona jang membri toeloengan itoe, komedian lantas sama doedoek dan sediain makanan beserta minoeman.
Sebab itoe nona-nona pada menjaroe orang lelaki, mendjadi Bing Wan Gwee tida taoe kaloe itoe orang prampoean, maka dia menanja pada nona Hoa Aij Tjoe: saija minta taoe siapa toean poenja nama dan tinggal di tempat mana?
