225
akan datang di astana Thaij Tjoe, di mana astana King Tik Tian, dengan bebrapa keramean dan kahormatan jang amat moelia.
Pada kawinan ka doea harinja Baginda Radja bikin festa besar oendang makan pada sekalian ambtenaar-ambtenaar dan officier-officiernja dan Hong Ti Tiong (orang jang ambil anak nona Tjiauw Jong) di kasi naek pangkatnja djadi Hing Po Taij Tong.
Tjerita nona Tjiauw Jong, moelain terambil bini pada Thaij Tjoe (Pangeran Adipati Anom) begitoe amat bertjinta, tetapi belon djoega ilang menjeselnja, maka di tanja oleh Thaij Tjoe, apa sebab bini koe saben hari kentara menjesel hati, apa sebab dari perkaranja Lioe Si Djoen?
Nona Tjiauw Jong menjahoet: Sebab saija masi ada mama, soeda begitoe toewa, tida ada soewatoe anak jang mendjaga dan rawatin, mendjadi tida tetep saija poenja hati.
Thaij Tjoe bersabda: "Amat gampang bini koe jang tertjinta! nanti kita minta pada Oom Han I akan soeroean ambil andika poenja mama boeat tinggal di sini.
Begitoe lekas soeroeannja Thaij Tjoe datang di
15.
