223
Han IJa serenta dengar itoe perkataän lantas dia mengarti dan lantas menjahoet: "Dari itoe perkara saija soeda taoe terang, dan nanti saija atoer soepaja Lioe Si Djoen dapet bebas dari hoekoeman.”
Pangeran Adipati Anom amat girang hatinja lantas dia kombali di astana Radja.
Han IJa lantas soeroean orang panggil Hong Ti Tiong, tida antara lama Hong Ti Tiong datang lantas di tanja hal ichwal nona Tjiauw Jong, dan Hong Ti Tiong bilang troes terang jang moelain dia ada di Ké Hin dapet liat nona Tjiauw Jong djoewal badan boeat ongkos menanem mait papanja, komdian saija ambil anak, dan di mana Lo Kok Kioe dapet taoe dari perkara ini?
Han IJa menjahoet sembari tetawa: 0! itoe andika poenja oentoeng sebab Pangeran Adipati Anom ada soeka pada andika poenja anak nona Tjiauw Jong.
Hong Ti Tiong lantas mendjadi girang hatinja jang dia poenja anak angkat bakal terkawin pada Pangeran Adipati Anom, dan dia berpikir di dalem hatinja mendjadi ini sebabnja, saben nona Tjiauw Jong berloetoet pada kita dan kita poenja kepala rasanja sakit dengan terpoeter, tentoe dia poenja garis bakal djadi orang besar.
