217
kara pemboenoehan boekan Lioe Si Djoen jang bikin. Njonja Hong Ti Tiong lantas bilang pada soewaminja dari itoe perkara, kemoedian Hong Ti Tiong minta pada toean hakim Justisie akan bebaskan hoekoemannja Lioe Si Djoen.
Tetapi toean hakim Justisie tida brani bebassin itoe perkara, oleh lantaran itoe, nona Tjiauw Jong mankin kesel hatinja, melainkan siang hari malem menangis di dalem kamar, dia dapet dengar di loewar benteng Radja ada I roema Tapekong (Tia Tjé Sin Bio), ada begitoe sakti, itoe nona Tjiauw Jong hendak pergi di sana akan minta-minta dan sembahjang, maka dia minta idzin pada mama dan papanja angkat, sasoedahnja dapet idzin lantas dia naik Djoli ketjil dengan teriring 1 boedjang prampoean.
Sasoedahnja sampe di hadepan Tian Tje Sin Bio lantas toeroen dari Djoli dan dengan hormat ma- soek di dalem Bio, lantas dia soeroe boedjang prampoean pasang lilin, kemoedian nona Tjiauw Jong ada di hadapan itoe tapekong pasang hio (doepa) berloetoet sembari berkata: „Saija pram- poean jang teroetama, bernama Ma Tjiauw Jong asal dari negri Ké Hin, tanah Sioe Tjioe; dari sebab saija poenja bapa dapet perkara terkoeroeng
