207
Djaij Koen Liang menanja: di mana orangnja jang soeda kena tjilaka dari perboeatannja bangsat?
Inilah orangnja jang dapet tjilaka Ko Ko! kata nona Gwat Kó dengan berbisik pada Djaij Koen Liang jang ini orang di Hang Tjioe bernama Lioe Si Djoen, aken sekarang ganti naina Goei Kong.
Djaij Koen Liang srenta dengar nona Gwat Kó poenja perkataän lantas dia mendjadi marah besar, sembari kata; soenggoelah amat djahat boeaija jang demikian itoe.
Baroelah Djaij Koen Liang berkata itoe lantas dapet dengar orang tariak jang itoe boeaija soeda terboenoeh oleh 1 Wesio, bernama In Djian Tiang Lo.
Dengan sigra itue Wesio lantas masoek di dalem roema thee, deketin pada Lioe Si Djoen, begitoe mnenjesel aken liat moeridnja dapet sakit demikian.
Baroe omong-omong dapet dengar di loewar ada orang tariak siapalah orangnja jang soeda boenoeh mati kita poenja soedara.
Djaij Koen Liang srenta dengar itoe soewara lantas dia kloewar dari roema pendjoewalan thee lantas beigeloet pada boeaija Thiauw Liong.
Sedeng ramenja berpoekoelan, betoelan ada Resident di negri So Tjioe liwat di sitoe serenta liat ada orang berklahian lantas dia soeroe brenti-in
