202
geenja Hoa Tjoe Lim 2 taoen poenja lama, betoel mendjadi-in kita berdoea poenja senang tetapi siapa kira ada 1 orang di negri Hang Tjioe bernama Lioe Si Djoen mendjadi kita poenja tanding, tempo ada di roemah arak Sam San Koan" soeda poekoel saija poenja soedara bernama Song Boen Pin dan lagi tempo ada loemba perahoe soeda bikin kalah pada kita, oleh lantaran di keroeboetin 8 prampoean bagoes anaknja Hoa Ting San, sampe kita dapet maloe dan komedian Lioe Si Djoen di angkat djadi meester boegé, dari sebab kita amat kesel, dan kita soeda boenoeh, tapi kliroe pada kita poenja Siauw IJa sendiri, dan itoe Lioe Si Djoen akan sekarang terkoeroeng dalem boei, sebab kita rasa itoe perkara ada besar maka kita lari di sini dan nanti kita troes ka Swa Saij.
Djaij Koen Liang serenta dengar itoe perkataän mendjadi marah besar, sebab itoe Lioe Si Djoen bakal djadi lakinja dia poenja soedara prampoean, lantas sadja Djaij Koen Liang poekoel Song Boen Djaij dan hendak tangkep dia tetapi Song Boen Djaij dapet lari.
Satelah Song Boen Djaij lari den dia merasa amat menjesel jang dia soeda tjerita dia poenja rahsia pada Djaij Koen Liang, maka dia dapet taoe
