199
Komedian njonja Ma Hauw Ho bersama anaknja ia itoe nona Tjiauw Jong sasoedanja tanem maitnja Ma Houw Ho, lantas dia pada menangis jang amat sanget, dan njonja Ma Hauw Ho berkata pada anaknja jang dia nanti hendak mendjadi Ni Ko (wesio prampoean).
Nona Ma Tjiauw Jong djatoh bangoen di hade- pan aboe papanja, begitoe djoega ada berat boeat berpisah dengan dia poenja mama, tetapi tida dapet tida dia misti berangkat djoega akan toeroet pada orang jang soeda beli padanja.
Satelah Hong Ti Tiong bersama nona Tjiauw Jong naek di perahoe akan di kasi toendjoek pada njonja (bininja Hong Ti Tiong) serenta nona Tjiauw Jong berloetoet, itoe njonja Hong Ti Tiong kepalanja mendjadi poesing, lantas dia pegang tangannja nona Tjiauw Jong akan soeroe berdiri.
Njonja Hong Ti Tiong pandang pada nona Tjiauw Jong poenja aer moeka ada begitoe angker dan bagoes, maka dia tida brani bikin sembarangan, lantas dia di adjak doedoek di korsi tida brapa lama Hong Ti Tiong datang, maka dia lantas me- nanja: Kenapa hoe djin (bini) doedoek bersama ini anak prampoean?
Njonja Hong Ti Tiong menjahoet: sebab kita
