196
Serenta sampe di negri So Tjioe, itoe 2 boeaija Boeroe Lioe Si Djoen djalan minta-minta, dan di tentoekan saban 1 hari misti mengadakan oewang tembaga 100 bidji banjaknja, dan kaloe tida bisa dapet sedemikian banjaknja bakal dapet poekoel.
__________
Tjerita prampoean bernama Ma Kiauw Jong sesoedahnja trima Lioe Si Djoen poenja pertoeloengan oewang boeat toeloeng dia poenja papa kloewar dari boei, dia merasa amat besar itoe pertoeloengan, lantas dia bikin Lioe Si Djoen poenja gambar, dan pagi atawa sore dia sembahjang boeat kasi hormat pada Lioe Si Djoen.
Dengan kaget Ma Hauw Ho, papanja nona Ma Kiauw Jong, berkata pada anaknja, apa tjilaka anakoe! jang kita dengar Toean Lioe Si Djoen soeda terdakwa boenoeh Hoa Tjoe Lim, akan sekarang terkoeroeng dalem boei!
Nona Ma Kiauw Jong serenta dapet dengar itoe kabar lantas mendjadi gemeter dan komedian berkata: barang moestahil papakoe! sebab Toean Lioe Si Djoen soewatoe orang bidjaksana tentoe tida maoe boeat dosa demikian, dan bole djadi djoega lain orang jang memboenoeh dan dia jang terdakwa.
