192
baik, pada itoe hari bikin papriksaän itoe perkara pemboenoehan, tetapi tida bisa poetoes dan dia pikir itoe perkara tentoe ada moestahil, sebab Lioe Si Djoen anak dari Rijksbestuurder Lioe Siauw Kiat jang doeloe ada tersohor, begitoe poen itoe Lioe Si Djoen soewatoe anak moeda boediman dan hartawan moestahil kaloe ada bikin itoe kedjahatan, tetapi kaloe kita bikin bebas itoe perkara tentoe sekalian familie Hoa Tjoe Lim tida waoe trima, begitoe dia fikir, tetapi serba sala, lantas dia masoek dalem galderij blakang doedoek kroesi dan 2 anaknaja lelaki 1 bernama Kong Tjoe Goei Kong dan 1 Kong Tjoe Goei Liat pada pengadep di seblah kirinja.
Itoe 2 soedara akan liat bapanja soesah bikin poetoes itoe perkara, lantas dia sama berempoek boeat bapanja djangan tjapé hati, itoe Goei Kong minta pada bapanja akan lepasin Lioe Si Djoen dan dia jang mendjadi gantinja, sebab dia pikir itoe perkara kaloe naek pengadilan tinggi tentoe dapet bebas, adanja.
Goei Lo IJa ada brat boeat toeroetin anaknja poenja niat itoe, tetapi bininja bri inget padanja lantas dia panggil toekang cipier akan bawa Lioe Si Djoen, kenioedian lantas terganti pakean, Lioe
