183
Ing Lim, dari itoe kawinan soedah di bikin goegoer.
Maka pada besok pagi lantas soeron orangnja panggil tengahan bernama Pian Boen Ké, serenta dateng lantas di kasi taoe jang Sim Wan Gwee poenja anak lelaki tida ada oentoeng soedah meninggal doenia, dari sebab nona mantoe ampoenja oemoer misi begitoe moeda dan Sim Wan Gwee tida brani tahan nona mantoe, biarlah tjari lain lelaki, maka Sim Wan Gwee trima-in King Tiap (soerat jang tertoelis hari klahiran nona Kim Ting) minta Pian Boen Ké kasi kombali pada Tio Ing Lim.
Pian Boen Ké serenta sampe di roeunanja Tio Ing Lim dia tjerita apa Sim Wan Gwee poenja maoe, Tio Ing Lim serenta dengar itoe perkataän mendjadi marah dan berkata: Begimana Sim Wan Gwee begini maoenja, kita maskipoen boekan toeroeuan orang besar, tetapi kita tida brani bikin adat jang tila loemrah di doenia, dari niatnja Sin Wan Gwee goegoerin kawinannja saija puenja adé, itoe adat ambil dari mana?
Pian Boen Ké menjahoet: Hian Tit! dari Sim Wan Gwee poenja baik hati, saija harep Hian Tit djangan sala mengarti. sebab Ilian Tit poenja adé masi begitoe moeda oemoernja, Sim Wan Gwee
