181
nanti hari raja Tiong Jang (tanggal 9 dari boelan sembilan) dia nanti oendang Lioe Si Djoen boeat berkoempoelan lagi.
__________
Tjerita Hoa Ting San setelah nonton Loei Taij poelang di roema dengan terang aer moekanja dia tjerita pada bininja, jang ini hari soenggoe bole boeat tetawaän, Song Boen Pin soewatoe meester boegé jang mesoehoer, soeda poetoes djiwa di bawa Loei Taij oleh poekoelan Lioe Si Djoen poenja Imoe boegé ada terdoedoek no. 1 sampe menerbitkan Hoa Siauw IJa poenja ingin hati dan sekarang Hoa Siauw IJa berladjar boegé pada dia, tetapi kaloe kita inget kita mendjadi menjesel pada itoe hari kita tida maoe kasi kombali dia poenja I Bik Bing Tjoe, sampe mendjadi kalang kaboet di dalem Tia,- sekarang kita soedah toewa, tida ada anak lelaki, melainkan ada anak prampoean, sandénja kita ambil Lioe Si Djoen boeat djadi-in mantoe (schoonzoon), soenggoelah amat senang kita poenja hati, di dalem hari toewa.
Bininja menjahoet: Lo IJa! kaloe ada poenja ingetan ambil mantoe Lioe Si Djoen apa tida lebi baik minta pada dia poenja Tjihoe bernama Tio Ing Lim, boeat djadi-in ini kawinan?
