171
tetapi boedjang Lioe Hin aiîa di bawa panggoeng serenta liat Siauw Tho boekan tandingannja sama Song Boen Djaij, lantas sadja Lioe Hin berlontjat naek di panggooeng aken kroeboetin Song Boen Djaij, maka boedjang prampoean Siauw Tho dengan girang hatinja lantas toeroen dari panggoeng.
Itoe waktoe soedah antara djam 5 soree, Hoa Siauw IJa liat mata hari soedah moelain toeroen di sebla barat, lantas bri taoe sekalian orang boeat berenti dan besok pagi moelain lagi, tetapi Lioe Hin berkata: djikaloe belon dapet kepoetoesan siapa jang menang kita belon djoega maoe brenti.
Song Boen Djaij djoega marah dan berkata: kendati loe ada poenja ilmoe poekoelan jang besar kita djoega tida takoet.
Itoe Lioe Hin dan Song Boen Djaij tida maoe dengar Hoa Siauw IJa poenja kata lantas pada berklahi lagi, sampe begitoe riboet, maka Song Boen Pin kewatir kaloe soedaranja kala, lantas dia angkat tangan (kiong tjioe) di hadepan itoe panggoeng, minta dengan hormat pada sekalian akan brenti, sebab mata hari soedah petang dan besok pagi bole kombali lagi.
Kemoedian Song Boen Pin dan Song Boen Djaij masoek di dalem panggoeng, dan Hoa Siauw IJa
