169
lantas dia tariak lagi hei! sekalian orang di bawa panggoeng ini, apalah ada orang jang gagah perkasa jang tinggi dan koeat dia poenja boegé, bolelah lantas naek di ini panggoeng boeat poekoelan tangan dengan kita!
Adalah orang jang menjahoet: Kita bernama Lie Taij Sing itoe orang poenja badan tinggi mata dan alisnja bagoes lantas naek di panggoeng lantas tersamboet oleh Song Boen Pin, memang itoe Song Boen Pin badannja begitoe koeat, itoe Lie Taij Sing tida bisa melawan dengan gampang, kena tendangannja Song Boen Pin, lantas sadja itoe orang djato di bawa panggoeng.
Nona Hoa Aij Tjoe lantas naek di atas panggoeng berklahian dengan Song Boen Pin, begitoe rame sampe bebrapa lama tida ada jang menang dan tida ada jang kala, tetapi nona Hoa Aij Tjoe ada tjapé dia poenja badan, sampe karingatnja bertjoetjoeran antero badan, maka nona Djaij So Tjing serenta liat demikian itoe lantas dia naek di atas panggoeng dan tersamboet oleh Song Boen Pin, kemoedian dia tanja: apa loe boekan satoe dari 8 prampoean bagoes?
Nona So Tjing menjahoet: boekan!
Song Boen Pin berkata sembari tetawa: loe
