156
Boedjang Tjiang Tik menjaoet: apa tiada lebih baik Sio Tjia poelang pada saija ?
Nonah Gwat Kó berkata: O! apa loe tiada mengerti, kaloe kita poelang, tentoe kita poenja djiwa tiada boleh di harep lagi!
Boedjang Tjiang Tik berkata: kaloe Sio Tjia tiada maoe poelang dan hendak pigi di mana?
Nonah Gwat Kó berkata: ibarat soewatoe boeroeng kaloe soeda terlepas dari koeroengan, tentoe ada tempat perlindoengan djoega!
Tjiang Tik lantas diam dan pikir dalem hatinja, kita inget njonja Wan Gwee begitoe kasian dan tjinta hati pada kita, akan sekarang Sio Tjia dapet soesah, kita tiada dapet tida, kita misti tjari-in tempat jang baik boeat Sio Tjia, apa lagi ini Sio Tjia melainken dengan diri sendiri di mana bisa taoe satoe-satoenja tempat, lantas dia berkata: Sio Tjia, saija ada 1 tante (I nio) tinggal di So Tjioe, ialah soewatoe prampoean djanda, pentjarianuja djoewal thee, mari Sio Tja pigi di sana pada saija boeat tinggal sedikit tempo.
Nonah Gwat Kó bilang baik, lantas Tjiang Tik berkata Sio Tjia tinggal di sini lebih dueloe, nanti saija poelang sabentar boeat kasi taoe pada Wan Gwee jang saija soeda tjari doctor tiada dapet.
