154
Njonja Wan Gwee menjahoet: Wan Gwee! djangan lepassin ini perkataän, kita sama loe djadi laki bini sampe begini toewa masa kita brani djoestain.
Kemoedian Wan Gwee soeroe boedjang-boedjang di roemah, boeat tjari nona Gwat Kó, kaloe dapet hendak terboenoeh mati, maka njonja Wan Gwee diam-diam bilangin pada boedjang-boedjang itoe, truesah tjari, semoea boedjang itoe lantas pada tidoer, masing-masing.
Tjerita nona Gwat Kó, memang soewatoe prampoean jang koeat badannja, maka njonja Wan Gwee tida begitoe amat soesah hati akan lepasin dia.
Nona Gwat Kó serenta keloewar dari pintoe blakang lantas dia berangkat djalan, sembari berpikir: „Kita poenja mama soeroe kita pergi di roemahnja empé Hoa Ting San, tetapi kita ada badan doea soenggoehlah kita amat maloe, sembari djalan dan sembari berpikir, maka sampe di satoe tempat Toa Pekong lantas brenti dan dia seinbahjang, kemoedian lantas doedoek di dalem roema Toa Pekong itoe."
