151
Nona Gwat Kó menjahoet: Ja mal sebab saija anak prawan dara, belon sekali keloewar dari pintoe, di mana saija boeat lari?
Mamanja berkata: Sebab perkara dengan kaget anakoel dan loe bole datang di roemanja empé Hoa Ting San, boeat melindoengin diri barang sedikit tempo, dan nanti kaloe papa moe soedah ilang hawa marahnja, nanti kita oeroessin, melainkan kita pesen kaloe loe ada di loewar, bole djaga dan saijangin diri, dan kaloe loe soedah tentoe di mana tempat tinggal bole lekas kasi kabar, djangan sampe kita troes soesah hati.
Pada itoe waktoe nona Gwat Kó mendjadi menangis sampe melele aer matanja dan rasa hatinja seperti tertjotjoh-in dengan djaroem, begitoe poen njonja Wan Gwee dia menoempahkan aer matanja dengan berlinang-linang sembari kata: Ja anak koe sekarang apa boeat menjesel, sebab loe jang berboeat salah sendiri, dan ini tida bole tinggal lama lagi, mesti loe lekas berangkat lari.
Baroe berkata-kata itoe belon sampe abis, ada boedjang prampoean datang kasi taoe, jang Twa Siang Kong (Sim Wan Gwee) timboel lagi marahnja, minta njonja Wan Gwee datang, maka njonja Wan Gwee lantas berkata pada nona Gwat
