149
kita tida datang di sini, tentoe loe tida dapet taoe.
Nona Gwat Kó menanja: Mama! ada perkara apa ?
Mamanja menjahoet: Soenggoeh kita mendjadi menjesel jang loe soeda berboeat tida sedep, bergendak pada orang, sampelah mendapet badan doea, dan itoe rahsia soeda ketahoean oleh soedara moe, akan sekarang papa moe timboel hati marah, soeda tetepin ini malem hendak bikin poetoes loe poenja djiwa.
Mendjadi kagetlah hati nona Sim Gwat Kó, lantas mendjawab pada mamanja: Ja ma! Saija harep begitoe banjak ma djangan pertjaja Ko Ko poenja bitjara, sebab soenggoeh saija tida ada itoe kelakoean: maka njonja Wan Gwee lantas berkata pada anak nja: loe djangan bersangkal, baik mengakoe troes terang, njonja Wan Gwee berkata itoe sembari pandang anaknja, betoel dapet taoe badan anaknja ada doedoek peroet, sampelah kesel njonja Wan Gwee poenja hati lantas mendjato aer matanja.
Nona Gwat Kó serenta liat mamanja menangis lantas dia mengakoe dan berkata: Saija mengakoe mama, itoe orang jang menjaros nona Tio
