147
tipoe, minta nona Kim Ting lagi sekali dateng di sini, tetapi djangan bilang kaloe maoe di kawinkan, tentoe itoe Kim Ting falsue tida brani dateng lagi, tjoema sadja itoe Kim Ting falsoe kaloe da- teng di sini dan uanti kita bikin mati bersama adé prampeean saija.
Wan Gwee bilang baik, sebab dia merasa ma- loe sekali, tetapi bininja mendjadi amat bingoeng dan goemeter, maka Wan Gwee bilang pada dia, soeroe dia tinggal diam, kaloe nanti malem sekalian orang di roemah soedah samoea tidoer poeles, kita dan loe sama pake tali boeat gantoeng kita poenja anak prampoean, tentoe tida ada orang taoe, dan nanti kita bilang sadja, jang ini anak dapet sakit gila soedah boenoeh diri sendiri, akan soepaija kita tida dapet nama boesoek.
Njonja Wan Gwee serenta dengar soewaminja poenja kata lantas dia mendjadi kaget dan goemeter dia poenja hati, tetapi dia menjahoet baik, sebab takoet pada soewaminja.
Tjerita Sim Siang Khing memang sakitnja belon baik betoel, dari sebab adénja prampoean tida senonoh kelakoeannja, itoe mendjadikan Sim Siang Khing poenja menjesel hati, lantas mendapet sakit
