131
sendiri begimana roepanja nona mantoe Tio Kim Ting? itoe Wan Gwee menjahoet kaloe maoe kata nona Kim Ting memang ada angkat soedara pada saija poenja anak prampoean Gwat Kó, dan lagi sama nona-nona Hwa Aij Tjoe, Hwa So Tjing, Liok So Go, Liok Tjoei Go, djoemblah 8 nona, satoe dengan lain seringssering pada dateng di sini.
Ho Iet Tiap menjahoet kata : Kaloe Ko Ko dan So So soedah sering dapet liat, begimana tida bisa taoe, sebab begimana saija poenja liatan itoe nona mantoe boekan orang prampoean betoel, dan lagi saija poenja keponakan prampoean nona Gwat KÓ, sasoenggoenja mendapet badan doewa (Sien len).
Sim Wan Gwee dengan bininja serenta dengar itoe perkataan lantas dia setengah pertjaija dan setengah tida pertjaija, itoe Ho Iet Tiap lantas pegang Wan Gwee poenja tangan mana berdjalan di plataran, di sitoe Ho iet Tiap bisik-bisik pada Sim Wan Gwee, tetapi orang lain tida dapet taoe apa jang di bitjarakan itoe.
Boedjang Siauw Tho, serenta dapet liat begitoe glagatnja lantas dia dengan lekas masok dalem kamarnja nona Gwat Kó, membri kabar apa jang dia soedah liat tadi, sahingga membikin nona
