117
roema dan sebab soeda sobat baik, tempo-tempo djoega sering datang di roemanja Ing Lim, maka ini sekali Pian Boen Ké di adjak doedoekan di dalem roema, di djamoein thee, sedeng baroe omongomong soeda tersedia medja arak ada di dalem kamar toelis, dengan 1 boedjang lelaki jang akan melajanin.
Lagi di sediain 1 medja akan adjak makan pada 6 nona itoe.
Kemoedian Lioe Taij Nio masoek di dalem kamarnja nona Kim Ting akan pesen lagi pada Lioe Si Djoen, djangan sampe teboeka itoe rahsia, Lioe Si Djoen menjahoet kata soeda mengarti, saija harep Tjia-Tjia djangan kewatir.
Dan boedjang Siauw Tho kata dia mace toeroet anter, dan dia djandji kaloe dia dehem, itoe bikin tanda.
Lioe Si Djoen (nona Tio Kim Ting falsoe) lantas melaga djatoin aer matanja sembari kata: So! So! saija soenggoeh antjoer saija poenja hati, siapa kira ini hari saija berpisah.
Lioe Taij Nio menjahoet: Ja! adé, saija harep adé djangan ketjil hati bole bernanti kaloe adé poenja laki sakitnja soeda mendjadi baik dan tentoe kita nanti ambil adé poelang, boeat tjari hari baik, akan djadi-in itoe kawinan.
