110
Ting, sembari kasi ingat dengan perkataan manis: Adé! dari perkara kawin, kaloe misi ada orang toewa (papa mama) tentoe papa mama jang kewasa, kaloe papa mama soeda meninggal doenia, misi soedara laki jang paling toewa jang kewasa, dan lagi adé, itoe perkara kawinan, boekannja perkara ketjil dan tida bole di bikin permainan, dari sebab adé poenja bakal laki ada sakit keras, maka minta adé datang di sana, barangkali adé poenja bakal laki dari kedatangan adé bole mendjadi sakitnja bisa baik.
Nona Tio Kim Ting dengan tahan aer matanja sembari menjahoet kata: So So! soenggoelah saija soeda tetap, tida maoe pergi, djikaloe misti di paksa, melainkan saija potong leher saija.
Njona Lioe Taij Nio mendjadi kaget serenta dengar itoe perkataan lantas berkata: Ko Nio! (adé) djikaloe adé kentjang tida maoe pergi, apalah itoe tida bikin soesah pada saija?
Nona Tio Kim Ting menjahoet: Di mana akan bikin ingso poenja maloe, sebab melainkan saija tida maoe pergi, boekannja saija berdjalan jang tida senonoh!
Lioe Taij Nio serenta dengar itoe perkataan, dia dpaet kenjataän jang dia poenja adé terang
